Menu

வியாக்கிரபாத புராணம்

ஆசிரியர்: வைத்தியநாத தம்பிரான்
உசாத்துணை : ஈழத்துத் தமிழ் இலக்கிய வளர்ச்சி, தமிழ்ப்புலவர் சரித்திரம்

வியாக்கிரபாத புராணம் என்ற நூல் வடமொழியிலுள்ள வியாக்கிர மான்மியம் என்ற நூலின் மொழிபெயர்ப்பென்பர். இதனைத்தமிழில் விருத்தப்பாவாற் செய்தவர் அளவெட்டி வைத்தியநாத தம்பிரான் என்று வழங்கப்படும். அவரை வைத்தியநாத முனிவர் என்றும் அழைப்பர். வியாக்கிரபாத புராணம் ஆரியச்சக்கரவர்த்திகள் கால நூலென்று கூறுவர். அது அச்சிற் பதிப்பிக்கப்பட்ட நூலாகத்தெரியவில்லை. ஆதனால் இப்பொழுது கிடைத்தற்கரியதாயிற்று. எனவே அதன் காலத்தைப்பற்றியோ பொருள் பற்றியோ எதுவும் சொல்வதற்கியலாதுள்ளது.

சுன்னாகம் அ. குமாரசுவாமிப் புலவர் அவர்கள், தான் செய்த தமிழ்ப்புலவர் சரித்திரம் என்கின்ற நூலிலே வைத்தியநாத தம்பிரானுடைய வரலாற்றிலே வியாக்கிரபாத புராணத்திலிருந்து இரு பாடல்கள் காட்டியுள்ளார். அவற்றை கீழே காணுங்கள்.

மாதங்க வரைவி லேந்தி மாலம்பாற் புரங்க ளெய்த
மாதங்க மொருபா லுற்ற வானவன் மைந்தன் வாழும்
மாதங்க மார்பி னான்றன் மருகனான் மங்கை முக்கண்
மாதங்க முகத்தி னான்றன் மலர்ப்பதம் வாழ்த்து வாமே.

எதமில் காரணத்தாற் சராசர மெவையு மாகி
ஆதியாய் நடுவா யீறாயநாதியா யருளா யோங்குஞ்
சோதியோர் வடிவமாகிச் சுரர்தொழச் சுடர்சேர் பொன்னின்
போதமார் சபையுளாடும் புனிதனைப் போற்றல் செய்வாம்.